– Bizdiń mekeme kommýnaldyq qyzmet kórsetýmen qatar, jol qurylysymen de aınalysady. Byltyr biraz sharýany aıaqtaı almadyq, bıyl sonyń esesin qaıtarý úshin asfal-beton zaýytyn salýdy qolǵa aldyq. Aýdanymyz jańadan damyp kele jatqandyqtan, mundaǵy jol máselesin birjaqty sheship alýymyz qajet. Asfalt-beton zaýytyn Shyńǵystaıdyń mańynda salyp jatyrmyz. О́ıtkeni, bul aýyl aýdannyń dál ortasynda tur eken. Zaýyt salynatyn jer telimin aýksıon arqyly satyp alyp, ózimizge rásimdedik. Elektr jelilerin tartý úshin tehnıkalyq ruqsatyn aldyq, óndiriske qajetti materıaldardy tasymaldap otyrý úshin belgilengen karerdiń jerin rásimdedik, – deıdi Aıdos Baıǵonysov.
Asfalt zaýytynyń aýmaǵy eki gektar jerdi alyp jatyr. Merdigerdiń aıtýynsha, zaýyttyń qajetti materıaldary men qurylǵylary Qytaıdan jetkizilgen. Qurylysqa búginde 280 mln teńgege jýyq qarajat jumsalǵan. A.Baıǵonysovtyń aıtýynsha, zaýyttyń qurylysy aıaqtalǵansha áli de birshama qarjy qajet.
– Zaýyt qurylysynda 10-15 adam jumys istep jatyr. Jańa Úlgi, Katonqaraǵaı, Shyńǵystaı, О́reldiń turǵyndaryn jumysqa aldyq. Jalaqylary kelisim boıynsha tólenedi, – deıdi kompanııa basshysy.
Qurylys alańyndaǵy jumysqa ekskavator, júk tıegish, kran, 2 júk tasymaldaýshy tehnıkalary jumyldyrylǵan. Qazirgi kezde qurylystyń 80 paıyzy aıaqtaldy.
Zaýyt iske qosylǵanda munda saǵatyna 60-80 tonnaǵa deıin asfalt óndiriledi. Materıaldar Qytaıdan alynǵandyqtan, olar bizge úsh maýsymǵa deıin kepildik berip otyr. Zaýytty turǵyzǵan soń osynda arnaıy qytaılyq maman kelip, jumystyń qyr-syry týraly tolyqtaı kómek beredi.
Zaýyt qurylysy aıaqtalysymen, munda jumysqa turaqty túrde 10 adam qabyldanady. Olarmen arnaıy kelisimshart jasalady.
Shyǵys Qazaqstan oblysy
